ƏSKİŞƏHƏRDƏKİ ƏN BÖYÜK İKİ PROSPEKTƏ "QARABAĞ" VƏ "GƏNCƏ" ADLARI VERİLİB
Tarix: 22-05-2016 14:48 | Müəllif:
admin | Baxılıb: 1308
Türkiyənin Əskişəhər vilayətinin Əmirdağ bölgəsində yerləşən Davulğa bələdiyyəsinin qərarı ilə rayondakı ən böyük prospektlərdən birinə “Qarabağ”, digərinə “Gəncə” adı verilib.
Azərbaycanın və Türkiyənin dövlət himnləri səsləndirildikdən sonra torpaqlarımızın bütövlüyü uğrunda canından keçən qəhrəman övladlarımızın xatirəsi bir dəqiqəlik sükutla yad edilib.
1830-cu ildə Azərbaycanın Qarabağ bölgəsindən Osmanlı ərazisinə köç etmiş bir neçə tayfa Əskişəhərin Əmirdağ bölgəsində məskunlaşıb. Bu bölgədə 12 kəndin adı Qarabağdakı kəndlərlə eynidir. Ümumilikdə bu kəndlərdə 15 min qarabağlı yaşayır.