info@veten-ugrunda.az
 
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
Tarix: 05-10-2016 12:44   |  Müəllif: admin |  Baxılıb: 2398

Silahlı Qüvvələrdə Azərbaycan Prezidenti İlham Əliyevin “Azərbaycan Respublikası vətəndaşlarının 2016-cı il oktyabrın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında” 9 sentyabr 2016-cı il tarixli Sərəncamının icrasına başlanıb.

Tərtər şəhərinin mərkəzindəki Heydər Əliyev meydanında “Vətənə nümunəvi xidmətə görə sağ ol!” devizi altında keçirilən tədbirdə yüzlərlə rayon sakini, veteran, ictimaiyyət nümayəndələri və məktəblilər cəbhə bölgəsində əsgəri borcunu şərəf və vicdanla yerinə yetirərək ehtiyata buraxılan müddətli həqiqi hərbi xidmət hərbi qulluqçularından bir qrupunu təntənə ilə, gül-çiçəklə yola salıblar.

Müdafiə Nazirliyinin zabiti polkovnik Abdulla Qurbani tədbir iştirakçılarına Müdafiə naziri general-polkovnik Zakir Həsənovun təbrikini çatdıraraq Azərbaycan Silahlı Qüvvələrinin son illərdəki uğur və nailiyyətlərindən, aprel döyüşlərindəki qələbəmizdən, ordu ilə xalqın daha sıx, monolit birliyinin yaranmasından danışıb.

Qeyd olunub ki, mütəşəkkil ordunun yaranması əgər ulu öndər Heydər Əliyevin adı ilə bağlıdırsa, bu ordunun nəinki Cənubi Qafqazda, eləcə də dünyanın güclü orduları sırasında yer alması dünya şöhrətli siyasi liderimiz, qətiyyətli və dönməz Ali Baş Komandanımız İlham Əliyevin adı ilə bağlıdır.

Son illərdə ordumuzun maddi-texniki bazası daha da genişlənmiş, yeni-yeni silahlar, döyüş texnikaları, zenit-raket kompleksləri, artilleriya qurğuları, təyyarə və helikopterlər, gəmilər alınmış və düşməni susdurmaq üçün həm silah-texnika, həm də şəxsi heyət sarıdan kifayət qədər qüvvələrimiz vardır. Hər şeydən öncə, şəxsi heyətin döyüş ruhu, mənəvi psixoloji hazırlığı, vətənpərvərlik hissinin yüksək olması və hamının bir amal uğrunda, bir bayraq altında birləşməsidir.

Tədbir iştirakçılarının nəzərinə çatdırılıb ki, bu gün yola salınan əsgər və çavuşların hamısı aprel döyüşlərinin iştirakçılarıdırlar və doğmalarının hüzuruna qalib əsgər kimi qayıdırlar.

Ehtiyata buraxılan hər bir müddətli həqiqi hərbi xidmət hərbi qulluqçusu haqqında məlumat verilib, döyüşlərdə göstərdikləri rəşadətlərindən söhbət açılıb. Onlar qəhrəman tərtərlilər tərəfindən alqışlarla qarşılanıblar.

Sonra döyüş növbəsinin, qəhrəmanlıq estafetinin rəmzi təhvili mərasimi başlanıb.

Ehtiyata buraxılan əsgər Altay Vəliyev “Bu gün mən və mənimlə bir vaxtda müddətli həqiqi hərbi xidmətə çağırılan gənclər həyatımızın ən xoşbəxt günlərini yaşayırıq. Biz artıq Vətən və xalq qarşısında müqəddəs əsgəri borcumuzu şərəf və vicdanla yerinə yetirərək doğmalarımızın hüzuruna alnıaçıq və üzüağ dönürük. Ancaq Vətən çağırarsa biz silaha sarılaraq yoluna-izinə yaxşı bələd olduğumuz, şəhidlərimizin qanı çilənmiş səngərlərimizə yenidən qayıdacaq və yenə də Vətənin sadiq əsgəri kimi xidmətimizi davam etdirəcəyik”, - deyərək silahını, dəmir dəbilqəsini və zirehli gödəkçəsini onu əvəz edəcək gənc əsgərə təqdim edib.

Gənc əsgər Elmir Məmmədov isə eyni çağırışdan olan əsgər yoldaşları adından, özündən əvvəlki döyüşçülərin qəhrəmanlıq ənənələrini davam etdirəcəklərinə, Ali Baş Komandanımızın rəhbərliyi altında tezliklə Xankəndi, Şuşa, Laçın və işğal altında olan digər torpaqlarımızdan xalqımıza qələbə müjdəsi gətirəcəklərinə and içib.

Tərtər rayon icra hakimiyyətinin başçısı Müstəqim Məmmədov ehtiyata buraxılan əsgərlərə Tərtər camaatının minnətdarlığını çatdırıb, onlara xatirə hədiyyələri təqdim edib və ordudan mülki həyata həm fiziki, həm də mənəvi cəhətdən mükəmməl, hazırlıqlı gənc kimi inteqrasiya olan igid oğullara uğurlar arzulayıb.

Tərtər məktəbliləri öz bağçalarında becərdikləri gül-çiçəklərdən dəstə tutaraq Vətən oğullarına yaxşı yol diləyiblər.

General-mayor Hikmət Həsənov bu gün yola salınan igidlərlə fəxr etdiyini, onlarla bütün xalqımızın fəxr etdiyini bildirib. Belə vətənpərvər, qorxmaz, cəsarətli oğullar ordumuza bəxş etdikləri üçün onların valideynlərinə təşəkkür edib.

Ordu ilə xalqın birliyindən danışan general H.Həsənov diqqətə çatdırıb ki, tərtərlilər həmişə olduğu kimi aprel döyüşləri zamanı da Azərbaycan əsgərinə arxa-dayaq olmuş və qələbənin qazanılmasında səylərini əsirgəməmişlər. Yaşayış məntəqələri düşmən atəşlərinə məruz qalanda, mərmilər dolu kimi yağanda heç bir tərtərli od-ocağını tərk etməyib. Bu, əsil qəhrəmanlıqdır.

Daha sonra general şəhidlərin hörmət və ehtiramla ünvanlarına yola salınmasında göstərdiyi diqqətə görə şəxsən rayonun icra başçısına və bütün tərtərlilərə minnətdarlıq edib.

Ehtiyata buraxılan əsgərlərə hərbi biletlər, nümunəvi xidmətlərinə görə fəxri fərman, valideynlərinə isə təşəkkür məktubları təqdim edən birlik komadiri onları bir-bir bağrına basıb, yaxşı yol arzulayıb. Əmin olduğunu bildirib ki, bu gün ehtiyata buraxılan oğullar əsgərlikdə olduqları kimi arxa cəbhədə, ictimai həyatda da ümidləri doğruldacaq, xalqımıza, dövlətimizə layiqli övladlar olacaqlar.

Qarabağ Müharibəsi Əlilləri, Veteranları və Şəhid Ailələri İctimai Birliyi Tərtər rayon filialının sədri Suliddin Yusifov, Azərbaycan Bayrağı ordenli veteran döyüşçü Nizami Heydərov da Vətən qarşısında əsgəri borclarını kişi kimi başa vuran oğullarla fəxr etdiklərini deyərək onlara uğurlu yol arzulayıblar.

Aprel döyüşlərinin iştirakçılarından olan gizir Raqif Qayıbov və müddətdən artır həqiqi hərbi xidmət hərbi qulluqçusu Niyazi İsgəndərov ehtiyata buraxılan gənclərlə bir yerdə erməni işğalçılarına divan tutduqlarını, strateji yüksəklikləri ələ keçirdiklərini, erməni əsgərlərinin silah-sursatlarını ataraq necə qaçdıqlarını xatırlayıb və bu gün ehtiyata buraxılan döyüşçüləri əvəz edəcək əsgərlərə bu barədə daha geniş söhbət açaçaqlarını, onları nümunə göstərəcəklərini deyiblər.

Qəhrəman tərtərlilər milli musiqimizin sədaları altında əsgərlərlə bir yerdə rəqs edib, onları böyük qələbəliklə, vətənpərvərlik mahnılarının müşayiəti ilə doğma el-obalarına yola salıblar.

APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB
APREL DÖYÜŞLƏRİNİN İŞTİRAKÇILARINDAN BİR QRUPU BÖYÜK QƏLƏBƏLİKLƏ EHTİYATA BURAXILIB










 



ERMƏNİLƏRİN QAFQAZA KÖÇÜRÜLMƏSİ XRONİKASI
Film onlarla elmi mənbə, xəritə, unikal sənədlər və Azərbaycanın İrəvan şəhərinin zadəgan elitası eksklüziv fotoları əsasında hazırlanıb
SORĞU
 
 
Azərbaycan Respublikasının işğal olunmuş torpaqları hansı yolla azad edilməlidir?

Sülh yolu ilə
Müharibə yolu ilə
Suala cavab verməkdə çətinlik çəkirəm

 
 
 
DİGƏR SORĞULARA BAX