Qazax şəhər sakinləri “Əsgərə məktub” layihəsinə qoşulub.
Tarix: 12-03-2019 12:31 | Müəllif:
admin | Baxılıb: 778
“Vətən Uğrunda!” səyyar təşviqat dəstəsi “Əsgərə məktub” layihəsi ilə bağlı Qazax şəhərində tədbir keçirib. Kütləvi-vətənpərvərlik tədbirinə Qazax şəhər İcra Hakimiyyətinin məsul şəxsləri, S.Vurğun adına 2 saylı tam orta məktəbin müəllim və şagirdləri, Qazax Dövlət Sosial İqtisadi Kollecinin müəllim və tələbələri qatılıb.
Layihəyə qoşulanlar “Əsgərə məktub” yazmaqla yanaşı videoçəkiliş vasitəsi ilə də Azərbaycan əsgərinə, hərbi qulluqçulara öz arzularını çatdırıblar. Azərbaycanın mərd oğullarına “Qələbə müjdəsi” ilə xalqımızı sevindirməyi arzu ediblər. Tədbir iştirakçıları tərəfindən “Əsgərə məktub” layihəsinin təşkili yüksək qiymətləndirilib. Vurğulanıb ki, Azərbaycan ordusunun əsgərləri yüksək döyüş ruhu ilə seçilən, düşmənə sarsıdıcı zərbə vurmağa qadir olan hərbi qulluqçulardır