Gəncə Qarnizonu Zabitlər Evinin əməkdaşları düşmənlə ön cəbhədə üz-üzə dayanan əsgər və zabit heyətini Gənclər Günü münasibətilə təbrik edərək, onlara çətin və şərəfli xidmətlərinin yerinə yetirilməsində müvəffəqiyyətlər arzulayıb.
Ölkəmizdə ordu quruculuğu sahəsindəki uğurlardan, gənclərə göstərilən dövlət qayğısından bəhs edilib. Bildirilib ki, Azərbaycanda gənclər siyasəti həmişə dövlət siyasətinin əsas tərkib hissəsi kimi xüsusi yer tutub. Azərbaycan gəncliyi dövlətin diqqət və qayğısını hər zaman öz üzərində hiss edib.
Tədbirdə Gəncə Qarnizonu Zabitlər Evinin musiqi kollektivi rəngarəng konsert proqramları ilə çıxış edib. Əsgərlər özfəaliyyət kollektivinin üzvləri ilə birlikdə mahnı oxuyub, rəqs edib, bacarıqlarını nümayiş etdiriblər.