veten.ugrunda.az@gmail.com
 

“Bir neçə günə Qarabağın taleyi həll olunacaq” - Millət vəkili açıqladı
Tarix: 09-09-2015 16:37   |  Müəllif: admin |  Baxılıb: 1392

“Bir neçə günə Qarabağın taleyi həll olunacaq” - Millət vəkili açıqladı“Düşmən yəqin bizim mövqeləri sıradan çıxararaq sürətlə, yəni ildırım kimi Azərbaycanın içərilərinə doğru irəliləməyin məşqini edəcək”.

Bu sözləri Milli Məclisin üzvü Sahib Alıyev deyib.

Deputatın sözlərinə görə, son günlərdə Azərbaycan Ordusunun apardığı təlimlər düşmənə ciddi mesaj verib:

“Ötən həftə Ermənistan ordusu "İldırım-2015" kod adlı təlimlərə başladı. Bu gurultulu ad onu diqtə edirdi ki, düşmən yəqin bizim mövqeləri sıradan çıxararaq sürətlə, yəni ildırım kimi Azərbaycanın içərilərinə doğru irəliləməyin məşqini edəcək. Amma əksinə, təlimlərə öz sərhədyanı kəndlərini boşaltmaqla start verdilər. Niyəsi Azərbaycan Ordusunun dünən başlatdığı Komanda Qərargah Hərbi Oyunlarından bəlli oldu. Bu, Azərbaycan Ordusu tarixində keçirilən ən böyük təlimlərdir ki, ora 65.000 nəfərədək şəxsi heyət, 700-dək zirehli texnika, 40-dək təyyarə, 50-dək helikopter, zenit-raket birləşmələri, Hərbi Dəniz Qüvvələrinin 20-dək gəmi və kateri, eləcə də xüsusi təyinatlılar cəlb edilib. Hazırda səfərbərlik tapşırıqlarının yerinə yetirilməsi səviyyəsinin yoxlanılması, ehtiyatda olan 6.000 nəfərdən çox hərbi vəzifəlinin təlimlərə qatılması onu gösətirir ki, ermənilər boşuna sərhədyanı kəndlərininin sürətlə boşaldılmasını məşq etmirlər. Onlar Azərbaycanın savaşa başlamaq əzmində olduğunu anlayır və bu zaman qarşımızda duruş gətirməyib geri çəkiləcəklərinin də fərqindədirlər. Hara çəkiləcəklər, harada az-çox canlarını qurtara bilərlər, yəqin keçirdikləri təlimlərdə onu da müəyyənləşdiriblər. Olsa-olsa bu, Rusiyanın 102-ci bazasının yerləşdiyi hərbi şəhərciklər olacaq”.

Moskvanın Qarabağ problemində siyasətini dəyişdiyini ehtimal edən millət vəkili bir neçə gün ərzində məsələyə aydınlıq gələcəyini qeyd edib:

“Bir sözlə, bu təlimlərdə edilən məşqlərdən hər iki ölkənin ordusunun həm potensialı, həm də psixoloji durumunun nə yerdə olduğu və ermənilər torpaqlarımızdan çəkilməsə, bütün bunların nəyə aparıb çıxaracağı açıqca görünür. Reallıq ortadadır. Ümid edirik ki, ermənilərə havadarlıq edənlər, Azərbaycanla bu və ya digər şəkildə qarşıdurmaya getməkdənsə, onunla strateji müttəfiqliyin indi əvvəlkindən daha çox işlərinə yarayacağını anlayırlar. Anladıqları üçün də erməniləri güzəştə getməyə razı salacaqlar. Əslində, burada elə böyük səy göstərməyə də ehtiyac yoxdur. 1999-cu ilin oktyabrında parlamentlərində baş verən terror aktının arxasında kimin durduğunu və nədən qaynaqlandığını yaxşı bildiklərindən ipə-sapa yatmaz hala gələn Sərkisyan və komandasına sadəcə, "reallığı özünüz də görürsünüz, gedin, içinizdə olanı dilinizə gətirin" demək yetərlidir. Realpolitik deyilən nəsnə hazırda bunu tələb edir. Azərbaycan başdan bəri problemin mərhələli çözümünü istəyir. Və məncə, elə bir vəziyyət yaranıb ki, hazırda Rusiyaya da Dağlıq Qarabağ münaqişəsinin heç həll edilməməsindənsə, yarımçıq həlli daha çox əl verir. Moskvadakılar da bu cür fikirləşirlərmi, bir neçə günə biz bunu biləcəyik”.










 



ERMƏNİLƏRİN QAFQAZA KÖÇÜRÜLMƏSİ XRONİKASI
Film onlarla elmi mənbə, xəritə, unikal sənədlər və Azərbaycanın İrəvan şəhərinin zadəgan elitası eksklüziv fotoları əsasında hazırlanıb
SORĞU
 
 
Azərbaycan Respublikasının işğal olunmuş torpaqları hansı yolla azad edilməlidir?

Sülh yolu ilə
Müharibə yolu ilə
Suala cavab verməkdə çətinlik çəkirəm

 
 
 
DİGƏR SORĞULARA BAX