ŞƏHİD GİZİRİN MEDALI TOVUZDA AİLƏSİNƏ TƏQDİM OLUNUB
Tarix: 24-05-2016 14:54 | Müəllif:
admin | Baxılıb: 1772
Azərbaycan Ordusunun ötən ay cəbhədə ermənilərlə döyüşdə şəhid olan giziri Mirsalam Cəfərovun ölümündən sonra təltif olunduğu "İgidliyə görə" medalı anadan olduğu Tovuz rayonunda ailəsinə təqdim olunub.
Mərasimdə rayon İcra Hakimiyyətinin rəhbərliyi, Müdafiə Nazirliyinin əməkdaşı, polkovnik Abdulla Qurbani, şəhidin ailə üzvləri və içtimayət nümayəndələri iştirak edib.
Çıxış edənlər Mirsalam Cəfərovun döyüşlərdə göstərdiyi qəhrəmanlıqlardan, onun qorxmazlığından söz açıblar. Valideynləri belə qəhrəman övlad böyütdükləri üçün fəxr etdiklərini bildiriblər. Şəhidin təltif olunduğu medal atası Təvəkkül Cəfərovun yaxasına asılıb.
Övladı ilə qürur duyduğunu bildirən şəhid atası özü və oğlu Mirhəşimlə hər zaman döyüşə hazır olduğunu bildirib.