ŞƏHİD DƏMİRLİ ALTUN FƏRMAN OĞLUNUN DƏFN MƏRASİMİ KEÇİRİLİB
Tarix: 14-04-2016 20:50 | Müəllif: admin | Baxılıb: 2894
Cəbhə xəttində gedən döyüşlər zamanı şəhid olan Azərbaycan Respublikası silahlı qüvvələrinin əsgəri 1997 – ci il təvəllüdlü Dəmirli Altun Fərman oğlu bu gün dəfn edilib.Şəhid Altun Dəmirli, böyüyüb başa çatdığı Şəmkir rayonu Düyərli kəndində, valideyinlərinin istəyilə kəndin qəbristanlığında torpağa tapşırılmış və ruhuna dualar oxunmuşdur.
Mərasimdə Şəmkir Rayon İcra Hakimiyyətinin başçısı cənab Alimpaşa Məmmədov, İcra Hakimiyyəti başçısı Aparatının məsul işçiləri, hüquq mühafizə orqanları, Müdafiə Nazirliyinin zabitləri, rayonun idarə, müəssisə rəhbələri ilə yanaşı rayon ağsaqqalları, fəal gənclər, şəhidin yaxınları və ictimaiyyət nümayəndələri iştirak ediblər.
Dəfndə, üçrəngli Dövlət bayrağı əbədi xatirə kimi saxlanılması üçün şəhidin atasına təqdim olunmuş, minlərlə insanın müşayiəti ilə şəhidin cənazəsi əsgəri ənənələrə uyğun yaylım atəşi altında Düyərli kənd qəbristanlığında torpağa tapşırılımış, məzarı üstünə əklillər və tər qərənfillər qoyulmuşdur.
Allah şəhidimizə rəhmət eləsin!
ERMƏNİLƏRİN QAFQAZA KÖÇÜRÜLMƏSİ XRONİKASI
Film onlarla elmi mənbə, xəritə, unikal sənədlər və Azərbaycanın İrəvan şəhərinin zadəgan elitası eksklüziv fotoları əsasında hazırlanıb
