"DÜNYA AZƏRBAYCANLILARININ HƏMRƏYLİYİ GÜNÜNƏ" həsr edilən bədii özfəaliyyətə baxış keçirilib
Tarix: 30-12-2016 12:03 | Müəllif:
admin | Baxılıb: 1724
Mənəvi-Psixoloji Hazırlıq və İctimaiyyətlə Əlaqələr İdarə rəisinin təsdiq etdiyi plana əsasən Gəncə Qarnizonu Zabitlər Evində "DÜNYA AZƏRBAYCANLILARININ HƏMRƏYLİYİ GÜNÜNƏ" həsr edilən hərbi qulluqçular arasında bədii özfəaliyyətə baxış keçirilib.
Bədii özfəaliyyətə baxışın keçiriliməsinin əsas məqsədi - milli mədəniyyətin və incəsənətin təbliği, hərb ənənələrinin və hərbi xidmətin təbliği, gənclərin hərbi-vətənpərvərlik ruhunda tərbiyələndirilməsi və yaradıcılıq bacarıqlarının inkişafı, eləcə də hərbi kollektivlərin möhkəmlədirilməsi, hərbi hissələrdə bədii özfəaliyyət kollektivlərinin yaradılması və hərbi qulluqçuların asudə vaxtlarının mədəni keçirilməsinin təşkilidir.
Bədii özfəaliyyətə baxışda aşağıdakı nominasiyalarda ansambllar və solistlər işrak edib.
Vokal
Rəqs
Musiqi alətləri
Bədii qiraət
Beyləqan, Bərdə, Şəmkir və Gəncədə baş tutan seçim turunda 221 hərbi qulluqçu iştrak edərək onlardan 98 nəfəri seçilib,yarımfinala isə 25 nəfər keçid alıb.
Müsabiqə haqqında ətraflı məlumat və video çarxlar www.veten-ugrunda.az saytında və “Vətən uğrunda” facebook səhifəsində yerləşdirilib. Hərbi qulluqçulara dəstək olmaq üçün veten-ugrunda.azsaytında iştrakçıların ifalarına online səsvermə mümkün olub.
İştirakçıların ifası xalq artisti Azərin başda olmaqla digər peşəkar münsiflər heyəti tərəfindən qiymətləndirilib.
20 dekabr 2016 cı il tarixindən 27 dekabr saat 18.00-a qədərwww.veten-ugrunda.az saytına 117.998 nəfər daxil olaraq səs vermədə iştrak edib. “Vətən uğrunda” feysbuk səhifəsinin aktivliyi 25.613 baxış sayı, youtube kanalının aktivliyi isə 43.939 baxış sayı təşkil edib. "DÜNYA AZƏRBAYCANLILARININ HƏMRƏYLİYİ GÜNÜNƏ" həsr edilən hərbi qulluqçular arasında bədii özfəaliyyətə baxış müsabiqəsi ümumilikdə 187.550 nəfərin internet üzərindən marağına səbəb olub.
Müsabiqəsinin qala-konserti 29 dekabr 2016 cı ildə Gəncə Qarnizonu Zabitlər Evində keçirilib. Konsertdə müsabiqə qaliblərinin mükafatlandırılması baş tutub. Mükafatların təqdim olunması Müdafiə Nazirliyinin Mənəvi-Psixoloji Hazırlıq və İctimaiyyətlə Əlaqələr İdarə rəisi, general-mayor Rasim Əliyev tərəfindən həyata keçirilib.