info@veten-ugrunda.az
 

HƏBİBOV RƏFAEL HACI ŞƏRAFƏT oğlu
Tarix: 09-09-2015 19:45   |  Müəllif: admin |  Baxılıb: 586

HƏBİBOV RƏFAEL HACI ŞƏRAFƏT oğlu
20 aprel 1964-cü ildə Əli Bayramlı şəhərində doğulmuşdur. 1981-ci ildə buradakı 14 saylı orta məktəbi bitirmişdir. Bir ildən sonra ordu sıralarına çağırılır. 1984-cü ildə Baltik qoşunlarında hərbi xidmətini başa vuraraq Kaunas Gizirlər Məktəbinə daxil olur. Həmin məktəbi bitirib gənc zabit kimi təyinatla Kutaisi ətrafındakı hərbi hissələrin birinə göndərilir. 1986-cı ildən xidmətini Əfqanıstanda davam etdirməli olur. Burada gedən döyüşlərin birində yaralanır. Müalicədən sonra yenə xidmətini davam etdirir. Döyüşlərdə göstərdiyi rəşadətə görə medallara, Fəxri fərmanlara layiq görülür. 1988-ci ildə Bakıya dönür. O vaxtlar Qarabağ hadisələri təzəcə başlayırdı.

1991-ci ildə Azərbaycan Respublikası öz müstəqilliyini elan etdi. 1992-ci ildən yaranmağa başlayan Milli Ordumuzun ilk zabitlərindən biri də Rəfael oldu. Rəfael Həbibov leytenant rütbəsi ilə 1992-ci il may ayının 23-də Qarabağa - döyüş bölgəsinə göndərildi. O, Təzəkənd, Narıştar, Zod, Ala Qaya, Çərəktar, Ağdaban, Çapar kəndləri uğrunda gedən ağır döyüşlərdə fəal iştirak edərək rəşadətlə vuruşurdu. O, Kəlbəcər döyüşlərində düşmənin PDM-24 tipli zirehli maşınını heyət ilə birlikdə sıradan çıxardı. Cəsur leytenant, yaralanmasına baxmayaraq, yenidən döyüşə atıldı. Onun şücaəti sayəsində neçə-neçə Vətən oğlu ölümün pəncəsindən xilas edildi. 7 iyul 1992-ci il... Bu onun son döyüşü oldu.
Subay idi.

Azərbaycan Respublikası prezidentinin 16 sentyabr 1994-cü il tarixli 202 saylı fərmanı ilə leytenant Həbibov Rəfael Hacı Şərafət oğluna ölümündən sonra “Azərbaycanın Milli Qəhrəmanı” adı verilmişdir.

Əli Bayramlı şəhər qəbristanlığında dəfn edilmişdir.

Oxuduğu 14 saylı orta məktəb qəhrəmanın adını daşıyır. Büstü qoyulmuşdur.











 



ERMƏNİLƏRİN QAFQAZA KÖÇÜRÜLMƏSİ XRONİKASI
Film onlarla elmi mənbə, xəritə, unikal sənədlər və Azərbaycanın İrəvan şəhərinin zadəgan elitası eksklüziv fotoları əsasında hazırlanıb
SORĞU
 
 
Azərbaycan Respublikasının işğal olunmuş torpaqları hansı yolla azad edilməlidir?

Sülh yolu ilə
Müharibə yolu ilə
Suala cavab verməkdə çətinlik çəkirəm

 
 
 
DİGƏR SORĞULARA BAX