info@veten-ugrunda.az
 

MƏMMƏDOV ELŞAD RAMİZ oğlu
Tarix: 10-09-2015 15:05   |  Müəllif: admin |  Baxılıb: 1636

MƏMMƏDOV ELŞAD RAMİZ oğlu
14 fevral 1975-ci ildə Xanlar rayonunun Haçaqaya kəndində dünyaya göz açmışdır. 1990-cı ildə kənd natamam orta məktəbini bitirdikdən sonra, 99 saylı Xanlar rayon texniki-peşə məktəbində təhsilini davam etdirmişdir.

1993-cü ilin avqust ayında Xanlar rayon Hərbi Komissarlığı tərəfındən Milli Orduya çağırılaraq, 6 ay hərbi təlim keçir. Sonra isə Qarabağa - döyüş bölgələrinə yollanır. İlk döyüşü Tərtər bölgəsindən başlayır. Ağdərə ərazisinin düşməndən təmizlənməsi uğrunda gedən qanlı döyüşlərdə rəşadətlə vuruşur. E.Məmmədovun son döyüşü isə 1995-i ilin mart ayında olur. Bakının 8-ci kilometr qəsəbəsində cəmləşən keçmiş Xüsusi Təyinatlı Polis Dəstəsinə silahı təhvil verib, təslim olmaq əmri verilmişdi. Lakin bu əmrə tabe olmayan dəstə atəş açaraq qan tökdü. Həmin gün Elşad Məmmədov da Vətən qarşısında öz şərəfli borcunu yerinə yetirirdi. 17 mart 1995-ci ildə dövlət çevirilişi cəhdinin qarşısının alınmasında rəşadət göstərən Elşad qardaş gülləsinə tuş gəldi...

Subay idi.

Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Məmmədov Elşad Ramiz oğluna ölümündən sonra “Azərbaycanın Milli Qəhrəmanı” adı verilmişdir.

Xanlar rayonunun Qırıqlı kəndində dəfn edilmişdir.

Haçaqaya kənd natamam orta məktəbi onun adını daşıyır. Daşkəsən yolu üstündə büstü qoyulmuşdur.











 



ERMƏNİLƏRİN QAFQAZA KÖÇÜRÜLMƏSİ XRONİKASI
Film onlarla elmi mənbə, xəritə, unikal sənədlər və Azərbaycanın İrəvan şəhərinin zadəgan elitası eksklüziv fotoları əsasında hazırlanıb
SORĞU
 
 
Azərbaycan Respublikasının işğal olunmuş torpaqları hansı yolla azad edilməlidir?

Sülh yolu ilə
Müharibə yolu ilə
Suala cavab verməkdə çətinlik çəkirəm

 
 
 
DİGƏR SORĞULARA BAX