Novruz bayramı münasibətilə hərbi hospitalda müalicə alan əsgərlər ziyarət edilib
Tarix: 18-03-2019 18:33 | Müəllif:
admin | Baxılıb: 1071
“Vətən Uğrunda” səyyar təşviqat dəstəsi Novruz bayramı münasibətilə hərbi hospitalda müalicə alan əsgərləri ziyarət edib. Bayram tədbirində hərbi qulluqçuların ünvanına ən xoş arzular səsləndirilib.
“Vətən Uğrunda” səyyar təşviqat dəstəsi apardığı bayram sovqatını əsgərlərə təqdim edib. Əsgərlərə tezliklə sağalaraq xidmət yerlərinə qayıtmaları arzu olunub. Bahar qızı ilə yanaşı Novruzun simvollarından olan kosa və keçəlin sərgüzəştləri şənlik iştirakçılarında xoş ovqat yaradıb.
Yazın gəlişini tərənnüm edən mahnılar səsləndirilib. Əsgərlərin rəqsləri alqışlarla qarşılanıb.